![](https://www.epokaere.com/wp-content/uploads/2020/06/Immobile.jpg)
Immobile refuzon Newcastelin
22 qershor 2020
| 15:29
Sulmuesi Ciro Immobile është shumë pranë rinovimit me Lazion, duke refuzuar në këtë mënyrë ofertën e Newcastle. Sulmuesi pritet të zgjasë kontratën me ekipin italian deri në vitin 2025.
“Tuttosport” raporton se Immobile ka rënë dakord me kushtet paraprake në kontratë ku do përfitojë 4 milion euro në vit. Sulmuesi italian ka shënuar 27 gola në 26 ndeshje të Seria A, ndërkohë që Lazio renditet e dytë në kampionat dhe si asnjëherë më parë kanë shpresa për të fituar titullin.
Gazeta italiane pretendon se Immobile dëshiron të marrë pjesë në Ligën e Kampionëve me Lazion, ndaj dhe ky është një faktor që e ka nxitur që të refuzojë ofertat e ardhura nga klubet e tjera evropiane.