Kryeministri Hoti: Nga Brukseli do të shkoj në Uashington
Kryeministri i Kosovës, Avdullah Hoti, ka thënë se pas takimeve në Bruksel me 25 qershor ai do të udhëtojë drejt Uashingtonit. Hoti nëpërmjet një postimi në profilin e vet në “Facebook”, ka thënë më 27 qershor në Shtëpinë e Bardhë fillon dialogu më Serbinë për njohje reciproke.
“Nga Brukseli do të udhëtoj për Washington, ku më 27 qershor në Shtëpinë e Bardhë nisim dialogun për njohje reciproke, fillimisht me një agjendë të fuqishme të zhvillimit ekonomik”, ka shkruar Hoti.
Postimi i plotë i Hotit:
Si Kryeministër i Kosovës, më 25 qershor në Bruksel takohem me Kryetaren e Komisionit Evropian, znj. Ursula von der Leyen, Kryetarin e Këshillit të Evropës, z. Charles Michel, Komisionerin për Zgjerim z. Oliver Varhelyi, dhe Kryetarin e Komisionit për Punë të Jashtme të Parlamentit Evropian dhe Nënkryetarin e EPP, z. David McAllister.
Do të bisedojmë për: (1) hapat që kemi ndërmarrë në luftën kundër COVID-19, (2) për mbështetjen nga ana e KE për rimëkëmbjen ekonomike, si dhe (3) për liberalizimin e vizave për shtetasit e Kosovës, proces i cili ka ngecur jo për shkak të mos përmbushjes së standardeve nga ana e jonë.
Nga Brukseli do të udhëtoj për Washington, ku më 27 qershor në Shtëpinë e Bardhë nisim dialogun për njohje reciproke, fillimisht me një agjendë të fuqishme të zhvillimit ekonomik.
(V.Z / Epoka e re)