Ministri i Tregtisë dhe Industrisë, Vesel Krasniqi, ka deklaruar se lajmi për lejimin e dasmave është dezinformatë.

Ai tha se janë duke punuar në këtë gjë, por s’ka ende ndonjë vendim, njofton Klan Kosova.

“Nuk janë lejuar dasmat, kjo është dezinformatë. Jemi duke punuar në këtë drejti, por nuk ka vendim. Sot në mbledhjen e Qeverisë nuk është marrë vendim për këtë çështje”, tha ai për “KlanKosova”.

Në mbledhjen e sotme të Qeverisë u mor vendim që të rifillojë trafiku ajror dhe të hapet aeroporti “Adem Jashari”.