Kryetari i komunës së Drenasit, Ramiz Lladrovci ka njoftuar se një qytetare e kësaj komune e infektuar me Covid-19 ka vdekur.

Njoftimi i plotë i tij në “Facebook”:

Të dashur qytetarë,

Sot, me dhimbje pranuam njoftimin nga ShSKUK, se nga komuna jonë, ka vdekur një qytetare e infektuar me covid-19.

Familjes Rrukiqi dhe miqve të saj i shpreh ngushëllimet më të sinqerta.

Ky është rasti i dytë i vdekjes së të infektuarve në komunën tonë dhe shpresojmë që të jenë të fundit në këtë betejë me virusin.

Ju lutëm të respektoni masat e nivelit qendror dhe rekomandimet e IKSHP-së.

Mbroni shëndetin tuaj, të familjes dhe shëndetin publik.