Presidenti i Kosovës, Hashim Thaçi, ka vizituar gjatë ditës së sotme në Krushën e Madhe, ku ka parë nga afër punën e grave të cilave gjatë luftës iu vranë më të dashurit e tyre, transmeton Epoka e re.

Thaçi ka thënë se këto gra janë simbol i mbijetesës dhe i forcës për t’u ringritur nga hiri i luftës, me humbje shumë të mëdha në njerëz, duke mos u dorëzuar asnjëherë për ndërtimin e jetës së re.

Postimi i plotë i Thaçit në Facebook:

Në Krushë të Madhe, aty ku forcat serbe vranë 240 civilë të pafajshëm në një prej masakrave më të mëdha. Gratë e Krushës janë simbol i mbijetesës dhe i forcës për t’u ringritur nga hiri i luftës, me humbje shumë të mëdha në njerëz, duke mos u dorëzuar asnjëherë për ndërtimin e jetës së re. HTH