![](https://www.epokaere.com/wp-content/uploads/2020/07/aak.jpg)
Haradinaj: AAK-ja është bërë adresë e aderimeve nga rinia
Kryetari i Aleancës për Ardhmërinë e Kosovës (AAK), Ramush Haradinaj, ka bërë me dije se partia që drejton është bërë adresë e aderimeve nga rinia.
Haradinaj sot në selinë e AAK-së ka pritur disa të rinj nga Tresteniku i Drenasit, të cilët kane vendosur t’i bashkohen AAK-së.
“Aleanca është bërë adresë e aderimeve nga rinia. Përkrahja që ne i kemi dhënë vazhdimisht përfshirjes së rinisë në vendimmarrje, ka krijuar një energji pozitive drejt fuqizimit të organizatës sonë. Sot prita të rinjtë nga Tresteniku i Drenasit, që kanë vendosur të rrugëtojmë së bashku në AAK. I sigurova për përkrahjen time të vazhduar, në angazhimin e tyre në proceset e shtetndërtimit dhe forcimit të mirëqenies së qytetarëve”, ka shkruar në llogarinë e vet në “Facebook” lideri i AAK-së, Ramush Haradinaj.
(M.Q / Epoka e re)