![](https://www.epokaere.com/wp-content/uploads/2020/07/thaci-e-rama.jpg)
Thaçi: Ushtrisë së Kosovës i janë shtuar edhe 42 automjete ushtarake amerikane
Presidenti i Republikës së Kosovës, Hashim Thaçi, është takuar me komandantin e Forcës së Sigurisë së Kosovës (FSK), gjenerallejtënant Rrahman Rama, i cili ka informuar shefin e shtetit për arritjen e 42 automjeteve ushtarake amerikane.
Me këtë rast, Thaçi ka thënë se shumë shpejt do të nis rekrutimi i ushtarëve të rinj, raporton “Epoka e re”.
“Një takim informues sot kisha me komandantin e Forcës së Sigurisë së Kosovës, gjenerallejtënant Rrahman Ramën. Ushtrisë së Kosovës nga dje i është shtuar një kontingjent prej 42 automjetesh ushtarake amerikane ‘Humvee’. Edhe rekrutimi i ushtarëve të rinj do të nisë së shpejti. Liria, shteti i pavarur dhe ushtria na japin identitetin dhe krenarinë e lirisë dhe demokracisë!”, ka shkruar Thaçi në llogarinë e vet në “Facebook”. (L.G/ Epoka e re)
https://www.facebook.com/HashimThaciOfficial/photos/a.606015099468853/4087540141316314/?type=3&theater