KF Drenica ka zgjedhur organet e reja drejtuese të klubit. Në rolin e kryetarit të klubit është zgjedhur biznesmeni, Ilir Veliqi, i cili ishte kryetar i klubit edhe në vitin 2018.

Anëtarët tjerë të bordit janë zgjedhur Rexhep Birinxhiku, Ismet Mustafa, Ilaz Halili, Hajrullah Lushtaku, Haradin Deliu, Bashkim Rushiti, Lulzim Fazliu, Albert Lushtaku, Nazmi Xani dhe Avdi Tahiraj. Nënkryetar i klubit është zgjedhur Rexhep Birinxhiku, kurse drejtor sportiv i klubit është zgjedhur Lulzim Fazliu.

“Rol vendimtar në këtë mbledhje si gjithmonë pati kryetari i Komunës së Skenderajt, Bekim Jashari, si dhe drejtori i Kulturës Rinisë dhe Sportit së Skenderajt, Abdyl Ymeri të cilët i dhanë mbështetje të plotë organeve të reja drejtuese, duke ju uruar suksese. Ndërsa bordi i ri, tashmë do të angazhohet për konsolidimin e skuadrës dhe kryesisë për t’u përgatitur për edicionin e ri të garave 2020/2021”, thuhet në njoftimin e KF Drenica.

(V.Z / Epoka e re)