Kryetari i Prishtinës, Shpend Ahmeti, ka thënë se është duke vazhduar trendi i rritjes së rasteve të reja me Covid-19 si dhe vdekjeve në kryeqytet.

Ahmeti ka thënë se bazuar në të dhënat e IKShPK-së, 2 mijë e 209 pacientë janë shëruar dhe 35 të tjerë kanë vdekur si pasojë e infektimit me virusin “Korona”.

“Kemi 2209 raste të shëruara dhe zyrtarisht të konfirmuara 35 raste që kanë përfunduar me fatalitet”, ka shkruar Ahmeti në “Facebook”.

I pari i kryeqytetit ka bërë thirrje për respektimin e masave mbrojtëse ndaj koronavirusit.

https://www.facebook.com/ShpendAhmetii/posts/3231147353621756