![](https://www.epokaere.com/wp-content/uploads/2020/08/Armend-Zemaj.jpg)
Zemaj: Testimet për Covid mund të bëhen edhe në QKMF
20 gusht 2020
| 16:21
Ministri i Shëndetësisë, Armend Zemaj, ka bërë me dije se të gjithë qytetarët mund të testohen për Covid-19, pasi ka lejuar që këtë shërbim ta kryejnë edhe Qendrat Kryesore të Mjekësisë Familjare (QKMF).
“Gjithë qytetarët mund ta bëjnë testin serologjik në bazë të kushteve dhe kompetencave që i janë dhënë qendrave kryesore familjare. Kriteret për testim janë shkencore, pra ato që i japin profesionistët shëndetësor”, ka thënë Zemaj gjatë një konference për medie nga spitali i Prizrenit.
Ai ka bërë me dije se shpenzimet e testimeve në QKMF janë barre e shtetit.
Ndërsa sa i përket masave anti-Covid, Zemaj është shprehur se si ministër funksionon në bazë të rekomandimeve që japin ekspertët shëndetësorë dhe se në atë mënyrë merren edhe vendimet.