Mbrojtësi i Përfaqësues së Kosovës në futboll, Mërgim Vojvoda, i është bashkuar Torinos nga Standard Liege, njofton klubi i Serie A.

Vojvoda ka nënshkruar kontratë katërvjeçare me Torinon, e cila do ta mbajë atë në Serie A deri në verën e vitit 2024.

“Klubi i Futbollit Torino njofton me kënaqësi se i ka siguruar shërbimet e lojtarit të Standard Liege, Mërgim Vojvoda. Mbrojtësi ka nënshkruar kontratë katërvjeçare”, thuhet në njoftimin e Torinos.

25-vjeçari i ka bërë 22 paraqitje për “dardanët”, me të cilën e ka shënuar një gol.