Zëvendëskryeministri nga radhët e Lidhjes Demokratike të Kosovës, Driton Selmanaj, ka folur për paralajmërimet e ish-nënkryetares së partisë, Vjosa Osmani, se do të krijojë një iniciativë të re politike. Selmanaj ka thënë se LDK-ja asaj mund t’i urojë veç fat dhe suksese.

“Neve na mbetet t’i urojmë çdo të mirë dhe suksese”, u shpreh ai në Kanal10.

Ai, po ashtu, ka pasur një porosi për Osmanin. “Të mos fyhet shtëpia ku ke ngrënë bukë gjatë, je rritur gjatë, ke qëndruar gjatë. Unë mendoj që është edhe amorale paksa”, ka thënë ai.

Më tutje, ai u shpreh se asnjë nga degët e LDK-së nuk kanë shprehur interesim për ta përkrahur Osmanin e, po ashtu, sipas tij, vetëm se është rritur mobilizimi për LDK-në dhe kryeministrin Avdullah Hoti.