FCSB luan sonte ndeshjen e Europa League kundër Backa Topola. Rumunët do të kenë mungesa të shumta, pasi 18 persona janë infektuar me COVID-19 dhe gjysma e tyre janë futbollistë.

Katër prej tyre i kishin lënë në Rumani në izolim, ndërkohë që ditën e djeshme janë testuar edhe pjesa tjetër e futbollistëve në Serbi dhe ka sërish të prekur.

Klubi rumun ka dalë me njoftim dhe bën me dije se edhe pesë futbollistë të tjerë janë të infektuar me COVID-19. Ata janë Andrei Vlad, Sergiu Bus, Andrei Pandele, Ovidiu Popescu dhe Ionut Vina. Kështu stafi teknik duhet t’i bëjë llogaritë me vetëm 14 lojtarë ditën e sotme.