![](https://www.epokaere.com/wp-content/uploads/2018/01/berisha.jpg)
Anton Berisha rikthehet në LDK
Ish-zëvendësministri i Punëve të Jashtme, Anton Berisha e ka lënë Aleancën për Ardhmërinë e Kosovës (AAK) për t’u rikthyer në Lidhjen Demokratike të Kosovës (LDK).
Këtë e ka konfirmuar vet Berisha, duke theksuar se si ide kurrë nuk është larguar nga LDK-ja pjesë e së cilës ka qenë më herët.
“Kurrë s’kam dalë prej shtëpisë së vjetër, si ide”, është shprehur ai, kur është pyetur se çfarë e ka bërë të rikthehej aty.
“Nuk jam shkëputur asnjëherë prej LDK-së. Por partia politike e vetmja për mua është Kosova! LDK nuk ka qenë parti, LDK ka qenë lëvizje. Ibrahim Rugova për mua mbetet figura politike më e admirueshme shqiptare nga vitet e 90-ta e këndej”, ka thënë ai për “klankosova.tv”.
Berisha ka pohuar se me AAK-në rrugët i kishte ndarë pas zgjedhjeve të 6 tetorit të 2019.
“Atëherë është qartësuar mbyllja i këtij cikli. Para zgjedhjeve kam qenë i angazhuar jo vetëm personalisht, por zyrtarisht që LDK-ja dhe AAK-ja të nënshkruanin marrëveshje parazgjedhore për koalicion. Kam menduar se pa LDK-në nuk mund të përmbyllet asnjë marrëveshje”, është shprehur Berisha.
Ai ka thënë se pas zgjedhjeve të përgjithshme ka treguar për vendimin e tij.
“Kam qenë në kontakt me zyrtarë të LDK-së dhe jemi dakorduar që t’i kalojmë dallimet”.