Një numër i bujqve nga rajone të ndryshme të Kosovës të mbështetur nga Federata Sindikale e Bujqve të Kosovës, janë duke protestuar para Ministrisë së Bujqësisë.

Pavarësisht kësaj, ata nuk i kanë bërë të ditura kërkesat e tyre pa prezencën e ministrit të Bujqësisë, Besian Mustafa.

Kryetari i Federatës Sindikale të Bujqësisë, Tahir Tahiri, ka thënë se po kërkojnë takim urgjent me ministrin Mustafa dhe se kërkesat e tyre nuk do të bëhet të ditura nëse ky i fundit nuk del në takim.

Derisa para protestuesve ka dalë zëvendësministri në Ministrinë e Bujqësisë, Pylltarisë dhe Zhvillimit Rural, Nehat Ramadani, i cili i ka njoftuar protestuesit që ministri Mustafa i pret brenda në takim.

Pavarësisht kësaj, këta të fundit vazhdojnë të kërkojnë që ministri të dalë para gjithë protestuesve dhe jo që vetëm përfaqësuesit të futen në takim.