![](https://www.epokaere.com/wp-content/uploads/2020/11/BATATINA-ADEMI.jpg)
Llapi nuk largohet nga garat
Skuadra e Llapit nuk do t’i braktis garat në Superligën e Kosovës në futboll. Ky vendim ka ardhur pas takimit që ka pasur trajneri Tahir Batatina me drejtuesit e Federatës së Futbollit të Kosovës.
Në njoftimin e lëshuar për medie nga Llapi, thuhet se ky drejtuesit e FFK-së janë shprehur se Llapi e ka vendin në Superligë dhe se më nuk do të ketë tendenca dhe dëmtime ndaj klubit.
Njoftimi i plotë i Llapit pa ndërhyrje:
KF Llapi vendos që edhe një herë t’i vazhdoj garat
Morëm premtime që nuk do të dëmtohemi më!
Pas takimit që patëm me kryetarin e FFK-së, Agim Ademi si dhe nënkryetarin, Agim Dibrani është diskutuar ndeshja e djeshme ndërmjet Llapit dhe Dritës, në të cilën skuadra jonë u dëmtua në mënyrë të tmerrshme nga gjyqtarët e ndeshjes.
Në takimin e sotëm, kryetrajneri i KF Llapi, Tahir Batatina shfaqi brengën e tij në lidhje me referimin nga fillimi i këtij edicioni, duke menduar seriozisht tërheqjen nga garat e Superligës për këtë edicion. Por krerët e FFK-së theksuan që KF Llapi e meriton të jetë pjesë e Superligës dhe më nuk do ketë tendenca dhe dëmtime ndaj klubit.
Pas takimit me FFK-në, u organizua mbledhja online me kryesinë e klubit, të cilët edhe pse të tronditur nga referimi i djeshëm, menduan që duhet të jemi në gjendje gadishmërie të zhvillojmë kampionatin deri në fund, pa marrë parasysh ngjarjet e ndodhura së fundmi në dëm të KF Llapit.
(V.Z / Epoka e re)