Një ditë më parë nisi që të qarkullonte lajmi se modelja bukuroshe dhe futbollisti i njohur, Eros Grezda, i kishin dhënë fund lidhjes  së tyre të dashurisë.

Kjo për faktin se prej disa kohësh fansat nuk shikonin postime me të tyre bashkë, komente të ëmbla nga Eros për partneren e tij seksi.

Madje ndjekësit e tyre kishin vënë re se modelja dhe futbollisti nuk ndiqnin më as njëri-tjetrin në rrjetin social “Instagram”. Madje, nëse ju hedhim një sy fotove të vjetra të modeles vëmë re se në fotot e tyre nuk ekzistojnë më ‘likes’ dhe as komentet e Erosit.

E teksa rrjeti po zien nga lajmet e ndarjes, Oriola ka publikuar së fundmi në “Instastory” një video që i hodhi poshtë të gjitha lajmet. Ajo dhe Erosi janë bashkë dhe po darkojnë Kroaci.

Në videon që ka publikuar bukuroshja bionde dallohet qartë dora e futbollistit, i cili mban në dorë një orë që e kemi vënë re edhe te fotot e tij në rrjetet sociale.