Mesfushori i Interit, Arturo Vidal, ka pranuar se ishte i detyruar të largohet nga “Camp Nou” gjatë verës. Vidal në verë u largua nga gjiganti spanjoll duke iu bashkuar Interit, tek i cili është duke luajtur titullar.

“Ishte rehatshëm te Barcelona, ishte një grup, bashkëlojtarë që ishin më shumë se miq. Kur je i lumtur, qëndron aty ku je. Pastaj gjërat ndryshuan dhe vendosa të vij tek Interi”, ka thënë Vidal.

I pyetur për debatin mes Lionel Messit dhe Cristiano Ronaldos, Vidali e quajti argjentinasin ‘jashtëtokësor’. “Nuk ka krahasime në mes të CR7 dhe Messit, Leo është jashtëtokësor”, ka shtuar Vidali.