Trajneri i xhudos, Driton Kuka ka thënë se Distria Krasniqi dhe Loriana Kuka, janë sportistet e vetme që kanë fituar medalje këtë vit për Kosovën. Sipas Kukës, sportistet janë në pritje të shpërblimeve shtetërore që iu takojnë ligjërisht.

“Distria bashkë me Lorianen janë të vetmet sportiste që sivjet fituan medalje Elitare për Kosovën. U kthyen me medalje nga Evropiani në Pragë! Janë në pritje të shpërblimeve shtetërore që u takojnë ligjërisht, por poashtu së bashku me shumë sportist e trajner në pritje që para vitit të ri të ju kryhen obligimet e Kategorizimit sipas rezultateve të arritura gjatë vitit 2019!”, ka thënë Kuka.