Sonte shoh botën përtej largësive
Në heshtjen time mbuluar lot
Buzë më buzë me kujtimet e së kaluarës
Shuaj mallin zë buzëqeshjen e kafshuar.

Unë, Heshtja dhe ti Baba
Bëjmë debatin e mbrëmjes së sotme
Shtrojmë kujtimet e trevjetorit tënd
Kur ike për të pushuar mes lulesh
Mbase edhe nën hijen e ndonjë kumbulle parajsore.

Pastaj shikohemi sy më sy
Si dikur tretur mallit të pashuar.

Unë çdo ditë flas me ty, baba
Me kaltërsinë e shikimit engjëllor
Thellësisht ndiej qëndrimit tënd Qëndrim i ngrirë në përjetësinë e blertë.

23.12.2020

Valbona Hadri