Aksident tragjik në Lezhë, makina del nga rruga, humb jetën 24-vjeçari
03 janar 2021
| 12:25
Një aksident fatal ka ndodhur në orët e para të mëngjesit të sotëm në Lezhë.
Mësohet se në aksin rrugor Lezhë -Milot, në Ishull Lezhë, drejtuesi i mjetit tip “Benz”, shtetasi D. D., 24 vjeç ,banues në Lezhë ka humbur kontrollin e mjetit duke dalë nga rruga.
Si pasojë e përplasjes, i riu ka gjetur vdekjen. Ndërkohë ka marrë dëmtime pasagjeri shtetasi N.P.,i cili është transportuar në spitalin e Traumës, Tiranë, raporton “TCh”.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.