![](https://www.epokaere.com/wp-content/uploads/2021/01/vaksina-2.jpg)
BE-ja blen edhe 300 milionë doza të vaksinave kundër Covidit
Bashkimi Evropian (BE) ka blerë edhe 300 milionë doza të tjera të vaksinave kundër Covid-19 të prodhuara nga kompanitë Pfizer dhe BioNTech, duke e dyfishuar numrin aktual të tyre.
Presidentja e Komisionit Evropian, Ursula von der Leyen, në një konferencë për medie, ka thënë se kanë bërë një program për shpërndarjen e vaksinave të reja në mesin e kritikave që kishin marrë më herët se vaksinat tjera janë dhënë shumë ngadalë.
Von der Leyen ka thënë se 75 milionë doza të vaksinave do të jenë të pranishme në tre mujorin e parë të vitit 2021 dhe pjesa tjetër e tyre do të shpërndahet në tre apo katër mujorët tjerë.
“Ne tashmë kemi një kontratë, kështu që nuk do të ketë negociata të gjata, është një vaksinë e provuar, kështu që autorizimi është i kryer, vendet anëtare e dinë vaksinën kështu ato e dinë logjikën prapa saj, prandaj sjell siguri për planifikimin, dhe krijon një vrull shtesë për vaksinimin në Evropë”, ka thënë Von der Leyen.
Dozat e para të vaksinën kundër Covid-19 në BE kanë filluar të merren nga 27 dhjetori i vitit 2020, shkruan “Euronews”.