![](https://www.epokaere.com/wp-content/uploads/2021/01/skenderaj-1.jpg)
Ndihmohen 400 familje skamnore në Skenderaj
19 janar 2021
| 16:12
Komuna e Skenderajt në bashkëpunim me organizatën “Qatar Charity”, të martën kanë bërë shpërndarjen e pakove për 400 familje në nevojë.
Në kuadër të këtyre pakove ushqimore përfshihen edhe gjësende dimërore për familjet në asistencë sociale të kësaj komunë.
Kryetari i Komunës së Skenderajt, Bekim Jashari, në emër të qytetarëve të Skenderajt, ka shprehur mirënjohje për organizatën “Qatar Charity”, për përkrahjen e dhënë në vazhdimësi për familjet në nevojë të komunës.
Po në këtë ditë, bamirësi Nebih Loshi nga fshati Pemishtë, u ka dalë në ndihmë stafit mjekësor në QKMF-në e Skenderajt, duke dhuruar 100 palë veshje mbrojtëse ndaj virusit Covid-19 si dhe 1 000 kilogram miell për familjet në nevojë.