![](https://www.epokaere.com/wp-content/uploads/2021/02/VV_Albin-Kurtii_Zgjedhjet-2019_006.jpg)
Publikohen mesazhe, Vetëvendosje keqpërdor nxënësit e klasave të 12-ta për fushatë
Disa biseda janë duke u shpërndarë në rrjete sociale, ku po tregohet se Lëvizja Vetëvendosje në Prishtinë ka thirrur në takim nxënësit e klasave të 12-ta.
Sipas disa bisedave që po publikohen në rrjete sociale, tregohet një lajmërim që e ka bërë Lëvizja Vetëvendosje për nxënësit e klasave të 12-ta. Sipas njoftimit, thuhet se Albin Kurti, Albulena Haxhiu dhe Liburn Aliu kanë mbajtur takim me nxënësit e shkollës “Xhevdet Doda”. “Nesër prej ores 13:00, në zyret qëndrore të LVV, të ministria e arsimit, do të mbahet takimi i Albin Kurtit, Albulena Haxhiut dhe Liburn Aliut me nxënësit e gjimnazit “Xhevdet Doda”, thuhet në shkrim, derisa tregohet se ushqimin për nxënësit e ka siguruar Lëvizja Vetëvendosje.
“Ushqimi ka me qene prej Levizjes, edhe ish kone shum mire me ardh sa ma shume veta. Takimi ka me qene joformal nforme te bashkbisedimit e jo si tubim. E di qe ju kemi lajmeru ne moment t’fundit sorry, please nese muneni me shpernda ngrupe tklases. Kush osht i interesum munen me na kontaktu mu ose …” thuhet tutje. Ky njoftim, sipas publikimeve, po shpërndahet në rrjetin social Instagram, Facebook dhe Viber.