![](https://www.epokaere.com/wp-content/uploads/2018/04/2f44adb8-575e-4c22-a1e3-c9185b9956d2-w1023-r1-s_1524243995-1891170.jpg)
Princi Charles do të jetë kreu i radhës i Komonuelthit
20 prill 2018
| 19:34
Princi i Uellsit do të jetë udhëheqësi i radhës i Komonuelthit, njoftuan liderët e tij.
Mbretëresha Elizabeth ka thënë se është “dëshirë e saj e sinqertë” që princi Charles ta pasojë atë “një ditë”.
Roli nuk është i trashëguar dhe nuk do të kalonte automatikisht te Princi i Uellsit pas vdekjes së Mbretëreshës.
Udhëheqësit e Komonuelthit e kanë diskutuar çështjen në një takim prapa dyerve të mbyllura në Kështjellën Windsor.
Komonuelthi është një organizatë ndërqeveritare e 53 shteteve anëtare që janë kryesisht territore të ish-Perandorisë Britanike.
Kryeministrja e Britanisë, Theresa May, dhe kryeministri i Kanadasë, Justin Trudeau, kanë dhënë më herët mbështetjen e tyre për princin Charles.