Xhavit Haliti merr përkrahje të madhe nga ish-ushtarët e UÇK-së në Istog
10 shkurt 2021
| 19:11
Kandidati për deputet nga radhët e PDK-së, Xhavit Haliti, është pritur në mënyrë madhështore sonte nga ish-ushtarët e UÇK-së nga komuna e Istogut.
Me këtë rast, Haliti ka thënë se ish-ushtarët e UÇK-së kanë folur në kohën e duhur nëpërmjet pushkëve.
“Ju lumshin pushkët”, ka uruar Haliti ish- çlirimtarët.
Në vazhdim, ish-anëtari i Shtabit të Përgjithshëm të UÇK-së, ka thënë se ushtarët e UÇK-së janë më mëritorët për lirinë e Kosovës.
Haliti ka thënë se PDK në këtë fushatë është e hendikepuar pa liderët historik, Hashim Thaçin dhe Kadri Veselin.
Haliti ka bërë thirrje që të votohet PDK-ja për t’i dhënë forcë Thaçit dhe Veselit, të cilët do të triumfojnë si UÇK-ja.