![](https://www.epokaere.com/wp-content/uploads/2021/02/aak-4.jpg)
AAK-ja vlerëson lart procesin zgjedhor
Kryesia dhe kryetarët e degëve të AAK-së në takimin e mbajtur të premten, të cilin e ka drejtuar lideri i kësaj partie, Ramush Haradinaj, kanë vlerësuar lart procesin zgjedhor të 14 shkurtit, duke e cilësuar atë si njërën ndër të arriturat më të mëdha të demokracisë në vend.
Në këtë mbledhje është thënë se këto zgjedhje i kanë dhënë një avantazh Kosovës në planin e brendshëm dhe atë ndërkombëtar.
“Në këtë takim të strukturave më të larta të AAK-së, u konstatua se Kosova tashmë duhet të shkojë tutje në kapërcimin e sfidave të saj që janë: liberalizimi i vizave, integrimet euroatlantike dhe marrëveshja për njohje të ndërsjellë midis Kosovës dhe Serbisë. Për t’ju hapur rrugë këtyre objektivave, Kosova e ka të domosdoshme krijimin e institucioneve si rezultat i zgjedhjeve të 14 shkurtit, duke përfshirë këtu krijimin sa më parë të Parlamentit, votimin e qeverisë dhe zgjedhjen e presidentit”, ka njoftuar AAK-ja.