![](https://www.epokaere.com/wp-content/uploads/2021/03/mitrovice-3.jpg)
Leona Musa zgjedhet kryetare e Asamblesë Komunale të Fëmijëve
Është zgjedhur struktura e re e Asamblesë së Fëmijëve në Komunën e Mitrovicës, e cila do të kryesohet nga kryetarja Leona Musa, nënkryetarja, Sara Keqa, dhe anëtarët e kryesisë, Suela Zasella, Erina Mustafa, Amar Neziri, dhe Triumf Brahimi.
Asambleja komunale është formuar në bazë të Rregullores për themelim dhe strukturim të asamblesë së fëmijëve nga Njësia për të Drejtat e Njeriut e miratuar në Kuvendin Komunal, OJQ “Syri i Vizionit”, dhe e mbështetur nga organizata “Save the Children”.
Teuta Uka nga OJQ “Syri i Vizionit” ju tha asamblistëve të rinj se tani ata do të jenë mbrojtës të drejtave të gjithë fëmijëve që jetojnë në territorin e Komunës së Mitrovicës.
Ajo ka njoftuar se asamble të këtilla funksionojnë edhe në komunat tjera të Kosovës.
Koordinatori i Njësitit për të Drejtat e Njeriut nga Komuna e Mitrovicës, Fitim Rama, u tha nxënësve asamblistë se ata për të realizuar detyrat dhe përgjegjësitë e asamblistit, duhet të angazhohen shumë, të bashkëpunojnë dhe të shkëmbejnë përvoja.