Gazetari Parim Olluri, ka folur për debatin që së fundmi ka përplasur partitë politike rreth pjesëmarrjes së deputetëve në seancën për zgjedhjen e presidentit, ku duhet të ketë kuorum.

Olluri ka thënë se ka qytetarë të cilët kanë votuar kandidatë të caktuar për ta kundërshtuar zgjedhjen e Vjosa Osmanit për presidente.

“Ti nëse i ke votat atëherë zgjedhe presidentin, por nuk mund të obligosh deputetët që të qëndrojnë në sallë sepse ka qytetarë që e kanë votuar dikë për të mos qëndruar në Kuvend dhe për ta kundërshtuar zgjedhjen e Osmanit për presidente. Nuk do të thotë që Kurti i ka votat dhe të tjerët duhet t’ia bëjnë kuorumin, sepse nuk do të thotë që vetëm pse Kurti i ka votat, mund ta zgjedhë president Mefail Bajqinovcin”, ka thënë Olluri në T7.