Kryetari në detyrë i Partisë Demokratike të Kosovës, Enver Hoxhaj, ka thënë se në mbledhjen e djeshme të Kryesisë së partisë nuk ka pasur përkrahje për t’u votuar Vjosa Osmani për presidente të Kosovës.

Hoxhaj ka thënë se çështja do të diskutohet edhe në mbledhjen e sotme të Këshillit Drejtues të PDK-së.

“Ne dallojmë prej subjekteve tjera politike. Unë nuk i marr vendimet këtu as në studio, por me organet e PDK-së. Dje në mbledhje të kryesisë nuk ka pasur përkrahje një gjë e tillë, sot do ta diskutojmë me Këshillin drejtues të PDK-së por që nuk pritet të ketë një vendim”, ka thënë ai para mediave.

Kreu i PDK-së ka pohuar se në mbledhjen e Këshillit Drejtues po ashtu do të diskutohet për rezultatin e zgjedhjeve të 14 shkurtit