Ndërron jetë legjenda e hendbollit, Fahri Buçinca

18 mars 2021 | 15:05

Hendbolli kosovar ka mbetur sot pa një personalitet të shquar dhe një kontribuues shumëvjeçar.

Fahri Buçinca, doajen i hendbollit vushtrrias dhe atij kosovar në përgjithësi, ka ndërruar jetë në moshë 86-vjeçare.

Buçinca e kishte filluar karrierën si lojtar në vendlindje, Vushtrri, kurse më vonë e bëri edhe elitare skuadrën vushtrriase.

Ai gjithashtu ka qenë anëtar i Kryesisë së FHK-së dhe anëtar i Komisionit të Grave të Ligës së Republikës së Kosovës, të mëvetësuar në vitin 1991.

Njoftimi i plotë nga FHK:

Hendbolli kosovar ka mbetur sot pa një personalitet të shquar dhe një kontribues shumëvjeçar. Fahri Buçinca, doajen i hendbollit vushtrrias dhe atij kosovar në përgjithësi, ka ndërruar jetë në moshë 86-vjeçare.

Kontributi i të ndjerit për sportin tonë është shumë i madh. Buçinca nisi karrierën si lojtar në vendlindje, Vushtrri, si pionier i hendbollit. Më vonë Buçinca e bëri elitare skuadrën vushtrriase. Ishte anëtar i kryesisë së klubit të hendbollit Prishtina e po ashtu delegat në ligat federative. Nga viti 1991 ishte anëtar i kryesisë së FHK-së dhe anëtar i Komisionit të garave të Ligës së Republikës së Kosovës, të mëvetësuar në vitin 1991.

Ishte aktiv edhe në publicistikën sportive, sidomos për regjionin e Vushtrrisë. Është nderuar nga FHK-ja me mirënjohje për vepër jetësore e po ashtu nga KOK-u për kontributin në sport.

Presidenti i FHK-së, Eugen Saraçini në emër të komunitetit të hendbollit i shpreh ngushëllime familjes Buçinca. Kontributi i Fahri Buçincës do të kujtohet përherë.

Lajme të sponsorizuara

Të fundit
Llapi i Tahir Batatinës e ka mposhtur në Mitrovicë, Trepçën…