Grubi pas takimit me Osmanin: Maqedonia e Veriut do të kërkojë nga Spanja që ta njohë Kosovën

18 mars 2021 | 16:57

Pas takimit me ushtruesen e detyrës së presidentes, Vjosa Osmanin, është deklaruar për medie zëvendëskryeministri i Maqedonisë së Veriut, Artan Grubi, i cili ka thënë se do të kërkojnë nga Spanja që ta njohë shtetin e Kosovës.

“E urova për fitoren e madhe spektakolare me përfshirje të madhe të diasporës. Gjithashtu kërkova nga ajo mbështetje për procesin  regjistrimit të diasporës”.

“Ajo u zotua që do të kyçet në këtë proces. I urova po ashtu formimin sa më të shpejt të institucioneve gjatë javës vijuese në mënyrë që pa asnjë vonesë të vijojmë më mbajtjen e mbledhjes se Qeverisë së përbashkët sepse është interes i dy vendeve tona që t’i realizojmë projektet që i kemi premtuar përfshirë rrugën Prizren-Tetovë, në heqjen e kufirit në Bllacë, gazifikimin e përbashkët, qendrën e përbashkët turistike ne Brezovicë dhe në ‘Kodër të Diellit’”, ka thënë Grubi.

I pyetur nëse ministri i jashtëm i Maqedonisë së Veriut, Bujar Osmani do të kërkojë njohjen e Kosovës nga Spanja ai ka thënë se: “Absolutisht po çështja e Kosovës është prioritare e jona. E diskutova edhe me zonjën Osmani se mbështetjen tonë nuk do ta kenë mungesë në asnjë forum ndërkombëtar”.

Grubi po qëndron për vizitë zyrtare në Kosovë, për të kërkuar mbështetje në procesin e regjistrimit të popullsisë që ka filluar në Maqedoninë e Veriut. Gjatë ditës, Grubi ka takuar dhe liderin e PDK-së, AAK-së, LDK-së dhe Nismës.

Lajme të sponsorizuara

Të fundit
Lideri i Nismës Socialdemokrate, Fatmir Limaj, ka pritur në takim…