Shefi i politikës së jashtme të Bashkimit Evropian (BE), Joseph Borrell, ka uruar Albin Kurtin për zgjedhjen si kryeministër i Kosovës.

Përveç urimit, Borrelli i ka shkruar Kurtit edhe për procesin e dialogut të ndërmjetësuar nga Bashkimi Evropian.

“Urime kryeministrit të ri të Kosovës, Albin Kurtit. Presim të punojmë së bashku për ta sjellë dialogun Beograd-Prishtinë në një mbyllje të suksesshme. Kjo është thelbësore për rrugën evropiane. BE mbështet plotësisht agjendën e reformave dhe trajtimin e Covid-19”, ka shkruar Borrelli në llogarinë e vet në “Twitter”.

Congratulations to new #Kosovo Prime Minister @albinkurti. Look forward to working together to bring the Belgrade-Pristina Dialogue to a succesfull close. This is crucial for #Europeanpath. EU fully supports reform agenda and tackling #COVID19.

— Josep Borrell Fontelles (@JosepBorrellF) March 23, 2021