![](https://www.epokaere.com/wp-content/uploads/2021/04/palmer-1.jpg)
Matthew Palmer sot bisedon online me Ramën, Bashën dhe Metën
Zëvendës Sekretari Amerikan i Shtetit, Matthew Palmer gjatë ditës së sotme do të zhvillojë biseda online më liderët e politikës shqiptare.
Ambasada e ShBA-së në Tiranë në një postim në mediat sociale bën me dije se biseda e Palmer me Ramën, Bashën dhe Metën do të fokusohet tek zgjedhjet e 25 prillit.
Po ashtu Palmer do të ketë dhe një komunikim dhe kampionët e Reformës në Drejtësi, por dhe me gazetarët.
“Zv. Ndihmës Sekretari i Shtetit të SHBA Matthew Palmer do të zhvillojë sot një “vizitë virtuale” në Shqipëri. Ai do të takohet me Presidentin Meta, Kryeministrin Rama dhe Kryetarin e Partisë Demokratike Basha për të diskutuar mbi përparësitë e Shteteve të Bashkuara, përfshirë pritshmëritë për zgjedhjet e 25 prillit. Zv. Ndihmës Sekretari Palmer do të takohet gjithashtu me kampionët e reformës në drejtësi. Ai do ta përfundojë vizitën e tij me një tryezë të rrumbullakët me gazetarë, të cilët kanë marrë pjesë në programet e shkëmbimit dhe trajnimit të SHBA”, është thënë në njoftimin e ambasadës