Bavarezi David Alaba del lojtar i lirë në verë dhe mediet po mundohen të mësojnë vendimin e tij për të ardhmen.

Flitet shumë për Real Madrid dhe Barcelonën, me të dy klubet, që janë në vështirësi financiare, por gati të sakrifikojnë.

Sky Deutschland bën me dije se madrilenët kanë përparuar për “xholin” austriak dhe kanë gjetur marrëveshjen paraprake me të për një kontratë më afatgjatë seç pritej.

Burimi i mësipërm është i sigurt se 28-vjeçari do firmosë me Real Madrid deri në verën e vitit 2026, me detajet financiare, që nuk bëhen të ditura për momentin. Nëse materializohet, Real Madrid bën të tijin një prej më të mirëve në glob.