Rossi: Jam më i avashtë se një vit më parë, s’po argëtohem më

03 maj 2021 | 14:33

Një vit më parë, në pistën e Jerez, piloti italian Valentino Rossi, korri të vetmin podium sezonal.

Këtë vit, ai u klasifikua i 17-ti, duke mos hyrë dot as në zonën e pikëve. Një rezultat që ndërlikon klasifikimin dhe të ardhmen e Rossit, në sezonin e tij të parë në MotoGP me Yamaha Petronas.

“Duket sikur po përsëritet e njëjta situatë si vitin e kaluar. Prisja një motor më të mirë, të paktën në letër kështu është, por në pistë jam më i avashtë se vitin e kaluar. U bë më shumë se një vit që gjërat tek unë janë njësoj, ndërsa te të tjerët ndryshojnë dhe nuk po argëtohem si dikur”, ka thënë Rossi.

“U përpoqa të hyj në zonën e pikëve, por kur u përpoqa të parakaloj Lecuona, e mora kthesën gjerë dhe më parakaloi edhe vëllai im. Nuk është ky rezultati që unë pres, kam vuajtur përgjatë gjithë fundjavës së kaluar. Do të kryej disa teste për të parë se çfarë nuk shkon”, ka shtuar Rossi.

Lajme të sponsorizuara

Të fundit
Diva latine Shakira, e njohur ndryshe për flokët e saj…