Kusari-Lila: Programi i Qeverisë Kurti është i qartë

17 maj 2021 | 11:34

Shefja e grupit parlamentar të Lëvizjes Vetëvendosje, Mimoza Kusari-Lila, në seancën e sotme të Kuvendit të Kosovës ka folur për programin qeverisës, të cilin e ka vlerësuar si dokument, i cili ndryshon shumë nga programet e qeverive të kaluara.

Ajo ka thënë se ky program është dokument i gjallë, e jo dokument që do të qëndrojë në sirtarë.

“Që nga shpallja e pavarësisë, ky Kuvend ka diskutuar për 6 programe qeverisëse. Sot po diskutojmë për të shtatin. Ka dallime në programe, e para për besimin që një qeveri arriti. Është qeveri me pritshmëri, jo vetëm prej qytetarëve, por edhe opozitës. Prej ditës së parë ka filluar presioni për programin. Me një provojë të shkurtër si shtet, nga 6 qeveri kemi arritur të kuptojmë që dallimi në programin qeverisës nuk është në afatin. Është tepër e rëndësishme trajtimi i programit si dokument i gjallë i cili plotësohet sipas ndryshimeve në teren. Krijimi i praktikës së diskutimit”, ka deklaruar ajo.

Kusari-Lila është shprehur se prioritetet e qeverisë janë të qarta.

Sipas saj, programi do të rishikohet do të plotësohet e korrigjohet varësisht prej nevojës.

“Programi qeverisës ka disa karakteristika. Prioritetet e qeverisjes janë të qarta. Programi do të rishikohet çdo fillim-vit, me qëllim të përditësimit. Do të plotësohet e korrigjohet me planet e qeverisë”, është shprehur Kusari-Lila.

Lajme të sponsorizuara

Të fundit
Policia e Kosovës ka njoftuar se një person nga Prizreni…