Ministri i Financave, Punës dhe Transfereve, Hekuran Murati, në një konferencë për media ka thënë se kanë bërë identifikimin e disa transfereve të dyshimta si dhe pagesa të dyfishta të parregullta.

Ai ka thënë se janë rreth një milion euro që kanë të bëjnë me shpëlarje të parasë dhe me financim të terrorizmit.

“Kemi bërë identifikimin e disa transfereve të dyshimta, ku janë identifikuar prej barazimit që kemi kërkuar më 11 maj. Ka dhe raste të tjera ku ka pasur pagesë të dyfishtë dhe të parregullt. Keqbërësit do t’i ndjekim deri në fund. Janë ngrirë edhe një shumë rreth 1 milion euro, që dyshohet se kanë të bëjnë me shpëlarje të parave dhe financim të terrorizmit”, ka thënë Murati.