Kryeministri i vendit, Albin Kurti, u ka dërguar ftesa tre liderëve të partive opozitare, Partisë Demokratike të Kosovës (PDK), Lidhjes Demokratike të Kosovës (LDK) dhe Aleancës për Ardhmërinë e Kosovës (AAK), për të diskutuar për tema me rëndësi për vendin.

Nënkryetari i LDK-së, Anton Quni, për “Ekonomia Online” ka deklaruar se ende nuk e kanë konfirmuar pjesëmarrjen për takim me kryeministrin Kurti.

Qeveria nuk ka njoftuar se cilat janë temat e diskutimit, por ka thënë se për çështjet me interes nacional do të konsultohet me partitë opozitare.