![](https://www.epokaere.com/wp-content/uploads/2021/03/Policia-780x439-1.jpg)
Policia kërkon ndihmë për arrestimin e një personi (Foto)
Policia e Pejës, me urdhëresë të Gjykatës Themelore të Pejës ka kërkuar ndihmën e qytetarëve në kapjen e një të dyshuari.
I kërkuari është Valon Mema nga Peja, i moshës 44-vjeçare, dhe i gjatësisë një metër e 80 centimetra.
I pandehuri akuzohet për shpërdorim të pasurisë së huaj.
Njoftimi i plotë i policisë:
Policia e Kosovës – Drejtoria Rajonale e Policisë në Pejë, bazuar në ligj për publikimin e fotos me shënime tjera të personit të kërkuar më Urdhëresë të Gjykatës Themelore në Pejë, me qëllim lokalizimin dhe rrjedhimisht arrestimin e tij, lëshon: Kërkesë për bashkëpunim me qytetarët.
Personi i kërkuar është:
- VALON (Vehbi) MEMA i lindur me 09.04.1977 në Pejë
I pandehuri është i kërkuar për veprën penale:
- “Shpërdorimi i pasurisë së huaj”
Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor.