KF Fushë Kosova ka siguruar inkuadrimin në Ligën e Parë, një javë para mbylljes së sezonit në Ligën e Dytë.

Fushë Kosova shënoi fitore bindëse 4-0 ndaj Dardanisë në ndeshjen e vlefshme për javën e 29-të dhe të parafundit.

Kësisoj, skuadra nga qyteti i Fushë Kosovës ka siguruar edhe matematikisht pjesëmarrjen në Ligën e Parë për sezonin e ardhshëm. Pas 29 ndeshjeve të zhvilluar, Fushë Kosova ka 79 pikë.