Përplasje e ashpër është zhvilluar mes deputetit të VV-së, Haki Abazi dhe analistit Imer Mushkolaj lidhur me gjuhën që po përdoret nga deputetët në Kuvendin e Kosovës.

Mushkolaj ka thënë se VV është prirëse e ‘helmimit të opinionit publik’, pasi që paraprakisht Abazi tha se ‘kemi një helmim të popullatës me informata të pasakta’, duke aluduar në partitë opozitare.

“VV që 15 vjet e ka helmu opinioni me këtë diskurs, a është normale me i thanë dikujt krimel në Kuvend”, iu drejtu Mushkolaj-Abazit.

“Po është normal”, u përgjigj Abazi.

“Çfarë gjuhe është kur Albulena Haxhiu i thojke Kadri Veselit kriminel, cila gjykatë ka vendos, ju nuk jeni gjykatë. VV e ka kontributin më të madh në helmimin e opinionit publik, pikë“, vazhdoi tutje Mushkolaj.

Debati u tensionua pas deklratave të fundit të Haki Abazit të bëra në Kuvend ndaj kryetarit të AAK-së, Ramush Haradinaj, të cilit i tha se ‘cili shërbim sekret e ka sjell prej dhomave të burgut në Francë drejt e në kryeministri’.