Ministrja e Punëve të Jashtme dhe Diasporës, Donika Gërvalla, i ka reaguar mediumit zviceran të cilit i ka dhënë një intervistë, duke thënë se ka pohuar gënjeshtra se UÇK-ja ka kryer vrasje pas përfundimit të luftës.

Gërvalla, ka thënë se UÇK-ja nuk ka kryer krime.

“‘NZZ’ publikoi pohimin e rremë faktik se UÇK-ja bëri vrasje pas përfundimit të luftës. UÇK-ja u shpërbë pas çlirimit të Kosovës në qershor 1999. Nëse krimet thuhet se janë kryer, ato janë bërë nga individë, jo nga UÇK-ja”, ka shkruar Gërvalla në llogarinë e vet në “Twitter”.

Gërvalla ka përmendur UÇK-në dhe FARK-un, të cilët ajo ka thënë se kanë shpëtuar civilë të pafajshëm.

“Gjatë gjenocidit në Kosovë, burra dhe gra të panumërta në UÇK-së, FARK-ut dhe të tjerët sakrifikuan jetën e tyre për të shpëtuar civilë të pafajshëm nga asgjësimi serb. Liria e medies gjithmonë duhet të mbrohet. Por kështu është e vërteta”, ka shkruar ajo.

1/2 Die @NZZ hat die falsche Tatsachenbehauptung publiziert, dass nach dem Ende des Krieges die UÇK Morde begangen hätte.
Die UÇK wurde nach der Befreiung Kosovas im Juni 1999 aufgelöst. Wenn Verbrechen begangen worden sein sollen, dann von Individuen, nicht von der UÇK.

— Donika Gërvalla-Schwarz (@gervallaschwarz) June 2, 2021