Ramo Gashi, njëri nga pasagjerët që ishte në autobusin i cili është aksidentuar të dielën, duke lënë të vdekur 9 udhëtarë dhe njërin nga shoferët, ka thënë të hënën para mediave kroate se dje ishte dita më e frikshme e jetës së tij.

Ai ka shpëtuar me lëndime të lehta dhe gruaja e tij pritet t’i nënshtrohet operacionit sot.

“Më zuri gjumi, dëgjova një të shtënë shumë të madhe, u hodha nga autobusi dhe u gjenda në rrugë. Në kohën e aksidentit, isha në anën e majtë në dyshemenë e autobusit”.

“Unë pashë shumë të plagosur në livadh, gjithçka ishte aty, dikujt iu shqye krahu, unë kurrë më herët nuk kam parë diçka të tillë në jetën time”, ka thënë Gashi.