Kryetari i Federatës së Xhudos së Kosovës, Agron Kuka ka thënë se janë krenarë me të arriturat në Lojërat Olimpike duke fituar dy medalje të arta.

“Boshti dhe shtylla e ekipit edhe pse nuk e kishte ditën e saj më të mirë, Majlinda Kelmendi mbetet një dhe e vetmja, e para. Tanimë ajo është një udhërrëfyese për sportistët tani dhe në të ardhmen”, ka thënë Kuka. Ai tutje lavdëroi edhe Akil Gjakovën dhe Loriana Kukën.

“Dua publikisht ta përgëzoj për rezultatet, punën përkushtimin çelësin e të gjitha të arriturave të këtyre, mjeshtrin e madh Toni Kukan”, u shpreh tutje anëtari i Komitetit Olimpik.