Ambasada e Shteteve të Bashkuara të Amerikës (ShBA) në Kosovë u ka bërë thirrje qytetarëve për vaksinim ndaj Covid-19, në mënyrë që të shpëtohen jetët, dhe të mposhtet pandemia.

Sipas kësaj ambasade, vaksinimi ndaj koronavirusit, është e vetmja zgjidhje, dhe se s’duhet rënë pre e dezinformatave meqë kjo kurë është e sigurt dhe efektive.

“Me ‘Delta’-n vdekjeprurëse në rritje, vaksinimi është zgjidhja e vetme! Kur jeni të vaksinuar, nuk ka gjasa të merrni Covid-19 dhe nëse e bëni, do të jetë një rast i butë. Mos bini pas dezinformatave – vaksinat janë të sigurta dhe efektive”, është thënë në apelin e Ambasadës së ShBA-së në Kosovë.