Lionel Messi ka mbajtur një konferencë për media në ambientet e stadiumit “Camp Nou”.

Ylli argjentinas gjatë kësaj konference ka sqaruar gjithçka për vendimin e tij për t’u larguar nga Barcelona pas gati 20 viteve karrierë profesionale.

Ai mes lotësh mezi dha lamtumirën e tij, teksa tha se shpreson që të kthehet një ditë.

Ylli argjentinas ka zbuluar edhe të ardhmen e tij, duke deklaruar se PSG-ja është opsioni.

Messi ka potencuar se palët janë në bisedime, ndonëse nuk ka asgjë konkrete.

“Paris Saint-Germain është një mundësi, po. Për momentin asgjë nuk është konfirmuar, kam marrë shumë telefonata pas deklaratës së Barcelonës. Ne po flasim për të”, ka thënë Messi.