![](https://www.epokaere.com/wp-content/uploads/2021/08/kabul.jpg)
Vetëm tri ambasada po veprojnë në Kabul
17 gusht 2021
| 11:42
Në kryeqytetin Kabul të Afganistanit po veprojnë vetëm tri ambasada të huaja, e Rusisë, Kinës dhe Pakistanit.
Të gjitha vendet tjera kanë evakuuar personelin e ambasadave të tyre. Vendi fundit që tërhoqi stafin ishte India.
“Duke marrë parasysh rrethanat është vendosur që ambasadori ynë në Kabul dhe stafi i tij të zhvendosen menjëherë në Indi”, ka pohuar zëdhënësi i Ministrisë së Jashtme indiane Arimdam Bagchi në “Twitter” më 17 gusht.
Njoftimi vjen derisa mijëra afganë po përpiqen me çdo kusht të largohen nga Kabuli pasi qyteti u mor nën kontroll nga talibanët.
Departamenti i Mbrojtjes i SHBA-së ka njoftuar se aeroporti i Kabulit ishte rihapur pasi fluturimet ishin ndalur një ditë më parë për shkak të situatës së sigurisë.