Të hënën në Kosovë ka arritur kontigjenti i radhës i vaksinave “Pfizer”. Kjo është konfirmuar në një përgjigje me shkrim nga Ministria e Shëndetësisë (MSh), e cila ka bërë me dije se sipas marrëveshjes që kanë me “Pfizer”-in, pranojnë kontigjente vaksinash gati çdo të hënë.

“MSh-ja, sipas kontratës me ‘Pfizer’-in merr kontigjente të vaksinave pothuajse çdo të hënë”, kanë bërë me dije Ministria e Shëndetësisë për “KK”.

Ministria e Shëndetësisë ka thënë se posedojnë mjaftueshëm vaksina.

“Ministria ka një stok të konsiderueshëm të vaksinave, sikur e ka bërë të ditur edhe ministri Vitia, në konferencën për media”, kanë thënë nga kjo ministri.