Hip-hop artisti mitrovicas MC Kresha po i jep përkrahje kandidatit të PDK-së për kryetar të Mitrovicës, Bedri Hamzës.

Hamza e ka cilësuar MC Kreshën si një prej të rinjve të Mitrovicës, që me punë dhe përkushtim po ia lartëson emrin komunës së tyre.

“Me Kreshën, një prej të rinjve kreativë dhe më të suksesshëm të Mitrovicës, këtë të diel pimë çaj dhe biseduam për rininë, talentet dhe qytetin tonë”, tha ai.

“Më nderoi shumë me përkrahjen dhe frymëzimin që më dha. Mitrovica ka nevojë për njerëzit e saj dhe kontributin e tyre. Kresha është njëri prej tyre, që me punë dhe përkushtim po ia lartëson emrin komunës sonë”, ka shkruar Hamza.